疫情肆虐，政府收緊堂食限制，唔少市民改為買外賣或到超市買食材，面對即棄餐具、包裝等產生大量塑膠垃圾🥡大家難免感到無奈😥但又心裡一堆疑問，例如：自備盒買外賣又怕麻煩到餐廳？又唔識如何準備合適容器？想環保，但又怕「重用」比「即棄」唔衛生？甚至覺得即棄包裝能有效防疫？🤯
為咗解答大家走塑嘅疑惑，我哋將於8月18日（星期二）透過Facebook專頁，舉辦網上直播「抗疫點走塑？你問我答」💬，邀請喺疫情中積極推出走塑措施嘅兩位餐廳負責人：咖啡店Space cafe & kitchen店主Yvonne，以及上市飲食集團叙福樓行政總裁黃傑龍，一齊分享點樣喺喺疫情下仍推出多種措施，鼓勵顧客安心走塑，一同交流自備容器購物嘅秘訣，例如點樣保持食物新鮮、點樣預備大小合適嘅容器等。
我們亦會根據傳染病專家等研究，拆解「即棄不比重用衛生」嘅真相，教大家如何安全地使用可重用餐具及容器！🍴
活動設有Q&A 環節，與Yvonne及黃傑龍即時對話，互相分享、交流，學習如何喺疫情下走塑，挽救另一場塑膠危機！
日期：2020年8月18日（星期二）
時間：19:00-20:00
講者：1) 咖啡店Space cafe & kitchen店主Yvonne
2) 飲食叙福樓集團主席及行政總裁黃傑龍
3) 綠色和平項目主任陳可淳
<活動詳情>
